Grommus
 

Вернуться   Grommus > Наши интересы > Культура и искусство > Проза и поэзия

Ответ
 
Опции темы Опции просмотра
Старый 07.07.2008, 12:14   #21
Маска
Гость
 
Сообщений: n/a
По умолчанию

А если перейдет не кот?

Дорога домой. Мысли, как мушки, кружатся в голове и над ней. Этакий ореол мошкары. Попробуй выбрать из них небессмысленную.

- Эй, вон ты! Да нет, не ты, а эта, с остреньким рыльцем! Лети сюда. Похоже, ты стоящая.

Пока я отбивался от напавшей стаи "насекомых", тротуар сам ехал мне навстречу, приближая к дому. "Вот интересно: есть средство от мошек, но есть ли средство от мыслей?" Похоже, последняя мысль такая же бессмысленная, как и другие.



Мимо проходили деревья, прошмыгивали машины и такие же, как я, окруженные собственным миром и мурашками, прохожие. Постепенно прохладный ветер все настойчивее стал напоминать о себе, вырывая меня из роя мыслей, возвращая в реальную жизнь с ее холодным весенним ветерком. "Хорошее средство избавиться от назойливых мыслей - найти другие, не менее приставучие. Например, о том, что нужно было теплее одеться, а то заболею." Тут же вспомнил о ребенке, который тоже утром не захотел одевать шапку. Подлетели мыслишки о проблемах оного в школе, перепрыгнули на вечный ремонт в собственной квартире. И опять о шапке, которую надо бы завтра одеть, не глядя на окружающих. Это их дело: ходить с открытой головой или нет, а мне холодно."

"Ах да, забыл купить лекарство жене. Ну, ничего, завтра куплю. Только жена расстроится. Как же я так. Может вернуться. Уже поздно. И не ничего не случится, если прием этих таблеток отложится на день. Хотя неприятно. Получается жену отодвинул на какой-нибудь второй план. И попробуй теперь докажи обратное. Забыл, точно забыл. Забегался, но это не оправдание. И, обязательно надо завтра шапку одеть. Может и другие не одевают шапки, глядя на меня. Глупо определять, когда необходимо накрыть голову глядя на то, ходят ли на улице люди в шапках."

-------------------------------

Мчащиеся через перекресток машины прервали мой путь. До дома оставалось метров сто. Дождавшись красного света, я пересек дорогу и направился прямо. С крыши бросались вниз капли. Отошел от стены. Остановился, пропуская смело проходящего передо мной голубя. Не особо спеша, он направлялся на противоположную сторону тротуара. "К чему бы это?" Я смотрел на маленькое живое создание, чуть переваливающееся из стороны в сторону, и еще недавно заполнявшие меня мысли улетучивались, словно сильный порыв ветра уносил их с собой. Но свято место пусто не бывает. А моя голова - какое еще может быть лучшее место для мыслей?

"Почему в наших отношениях с тобой многое изменилось? Почему мы стали менее внимательны друг другу, позволяем себе …., укладываясь в постель, тут же усыпаем? Были же другие времена..."

Мимо прошел прохожий, оглянулся на меня, видимо, странного, стоящего посредине дороги. Голубь взмахнул крыльями и взлетел на ветку. Я очнулся от новых мыслей. Развернулся и пошел назад, в сторону рынка... за цветами.

"Все меняется, и мы меняемся, и наша жизнь. Если бы расстались тогда, когда встречались, я бы остался в ее памяти самым лучшим парнем на земле, который исписал перед домом все тротуары ее именем, который горланил под гитару песни о ней, который уносил на мотоцикле навстречу ветру и мечте, и целую ночь упивался ее телом.

Черт, кто знает, что лучше? Остаться бы вот такой светлой, заветной несбывшейся мечтой или шагнуть вместе в ту часть жизни, которую никогда не описывают в сказках, и стать тем, который не..., не..., не..., не купил таблетки."

- Мужчина, Вам помочь? - обратилась ко мне продавщица цветов.
- Да, если можно.
- Вам для кого? - выходя из палатки ко мне навстречу спросила грузная накрашенная дама.
- Жене, - сказал я, оглядывая букеты плывущим взглядом.

Цветочница окинула взглядом свое добро, подняла букет а-ля "полевые цветы" и произнесла:
- Вот эти будут в самый раз. Они навевает воспоминания о светлом прошлом, о самых трепетных моментах жизни.
Я достал портмоне, протянул ей указанную сумму и направился домой. Вдогонку услышал голос продавщицы:
- Приходите еще, цветы - лучшее лекарство для женщин.

Нажмите на изображение, чтобы открыть его в исходном размере.
  Ответить с цитированием
Старый 09.07.2008, 01:33   #22
Маска
Гость
 
Сообщений: n/a
По умолчанию

ПРИТЧА О ДВУХ МОНАХАХ


Возвращались как то старый и молодой монах в свою обитель. Путь их пересекала река, которая из-за дождей сильно разлилась. На берегу стояла женщина, которая также нужно было перебраться на противоположный берег, но она не могла обойтись без посторонней помощи. Обет строго настрого запрещал монахам прикасаться к женщинам.
Молодой монах, заметив женщину, демонстративно отвернулся, а старый подошел к ней, взял на руки и перенес ее через речку. Весь оставшийся путь монахи хранили молчание, но у самой обители молодой монах нe выдержал: "Как ты мог прикоснуться к женщине!? Ты же давал обет!" На что старый спокойно ответил: "Странно, я перенес ее и оставил на берегу реки, а ты до сих пор ее несешь".
  Ответить с цитированием
Старый 09.07.2008, 01:44   #23
Маска
Гость
 
Сообщений: n/a
По умолчанию

Проходил как-то Будда одной деревней. Собралось несколько человек - его противников - и принялись они горячо и зло оскорблять Будду. Он молча слушал очень спокойно. И из-за этого спокойствия им стало как-то не по себе. Возникло неловкое чувство: они оскорбляют человека, а он слушает их слова, как музыку. Один из них обратился к Будде: "В чём дело? Ты что, не понимаешь, что мы говорим?" "Именно при понимании возможно такое глубокое молчание, - ответил Будда. - Приди вы ко мне десять лет назад, я бы бросился на вас. Тогда не было понимания. Теперь я понимаю. И из-за вашей глупости я не могу наказывать себя. Ваше дело - решать, оскорблять меня или нет, но принимать ваши оскорбления или нет - в этом моя свобода. Вы не можете их мне навязать. Я от них просто отказываюсь; они того не стоят. Можете забрать их себе. Я отказываюсь принимать их".
  Ответить с цитированием
Старый 16.07.2008, 20:41   #24
Ismail
пилигрим
 
Аватар для Ismail
 
Регистрация: 20.06.2008
Сообщений: 511
Вес репутации: 20
Ismail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможно
По умолчанию Рассказ

Муса Бексултанов — «Тишъелла кетар»

Шийла-м ю вайна. Кху шарахь-м хьалхе а ма шелло. КIира ду-кх хIара догIа оьху. Аьхке йовха-м лаьттира. Массо а хIума дакъаделла дIадели. Зенаш ду-кх, зенаш, пачхьалкхана а, нахана а.

Чу ца йогIу те йоккха стаг, мац а ма велла со-м. ХIей-й! Стенга яхара хьо, тахана хIума юий кху чохь! Со холбата хиъна а вацара… ДIахезар дац… Йоца йина хилла-кх хьо кетар а, хьала а, охьа а ца кхочуш. Кетар… «Хьайна тIеюха цхьа кетар эцахь, доцу де а ца эгош».

Нийсса лоьра. Дера лоьра.

«Сол дика къонах хила а ца гIерташ».

ХIаъ. Дика къонах. Адамаш бен-бен хуьлуш хилла-кх. ХIаъ. ТIаьхьа ду. Кхин тIаьхьа а дац. Кху ойланна тIеван а, адамаш довза а оьшура дуьнентIе вала. Ца ваьллехь а дацара хIумма а. ХIун до адамаш девзина а, кхана-лама дIаваха везаш хилча. Ца воьдуш хилча хIун дан воллура хьо! Iовдал яI, Iовдал!

Стаг хIума лоруш хила везаш хилера. Ша дIадеш дерг а, шена схьадийриг а гуш, тIаьххьара хеча дIа а ца луш нахана. Ахьа-м ца лерира. Тергал а ца дира. Хьуна ца моьттура иштта. Хьан бехк а бацара. Хьо иштта ваьлла хиллера-кх дуьненчу. Хьан тIаккха дан хIумма а ма дацара. Орамаш хийца йиш ма яц. ЭхI! МостагIий ма атта хуьлуш хилла-кх. Хьоьгара шена оьшург воьлуш дIа а ийдеш, къайллах ларвеш хилла хьо, гор маца воьду те бохуш. Шен хIуманна да хIотта везаш хилла-кх кху доцчу дуьненчохь. Бакъ хьанна хетара. Бакъ-м хилла.

Вежарий а, кIентий а, улеш(1) а бара цхьана хенахь. ХIинца цхьа а вац. Хьуна хIетте а цхьалха ца хетара хьуо. ДоттагIий бара хьан. ДоттагIий! Иштта атта хуьлу моьттура хьуна доттагIий, Iовдал! Хьуна хIун моьттура, ткъа хьуна хIун хили хIинца! Лелла хиллера хьоьца а, хьо гал мичхьа волу хьоьжуш, хьуна гIортор ю а моьттуш. Хиллера те. ХIинца Iилла хьайна, тишъеллачу кетарх а хьерчаш!

Ахь хIун динера Малакна? Цуьнан да велча, бен етт-м беллера ахь цунна. Кхано, шераш девлча, цо схьакховдийча, аьттан мах схьа а ца ийцира: «ДIавалахь, деллахь, Малак, дошдоцурш, шинарш юьйцу ахь, дIаелча а, схьаелча а!» — элира ахь. «Дала сагIа бойла, Муртаз, хьан етт, дIаоьцу болчуьнгара беха безаш хиллера-кх ас», — элира цо хьоьга хIетахь. Ахь тергал а ца бира и етт а, я и ахча а. Ахь бахамаш ца бира хьайна. Ахь юьхьарлаьцнарг сискал ялар дара. Хьайн сискал хьайна ца юура ахь. Хьо волчуьра нах ца хедара цкъа а. Юьртахой мел лелийра ахь, хьеший санна, церан таро а, хIума а хиллалц. ВогIург а, воьдург а хьо волчу кхочура. Хьо цIахь ца хилча а, хьеший хуьлура хьан хIусамехь. Бикатус, уьстагI а боьй, коьрт-коьрта нах схьа а балабой, гIуллакх дора церан.
__________________
Весь мир стал для меня другим,
И стал счастливым каждый день и час,
С тех пор,как то,что было "Я" и "ТЫ",
В какой-то миг вдруг превратилось в "НАС".
Ismail вне форума   Ответить с цитированием
Старый 16.07.2008, 20:42   #25
Ismail
пилигрим
 
Аватар для Ismail
 
Регистрация: 20.06.2008
Сообщений: 511
Вес репутации: 20
Ismail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможно
По умолчанию

Цкъа хьо цIа кхаьчча, геннара веъна кхо хьаша вара хьо волчу чохь. Царна оьш-оьшу виъ-пхиъ стаг а валийнера Бикатус. Маршалла а хаьттина, цхьацца бегаш а беш, чай молуш шу Iаш, Ахьмад вистхилира, хьешех цхьаъ:

— Тхо даьхкина схьакхечира, хьенех, кху юьрта. Эвлаюккъе охьадиссира тхо. ХIа-хIа, хIинца хьаьнга гIо вай аьлла, вовшех дагадевлча, цаьрга а, вукхаьрга а элира хIокхара. ХIан-хIа, элира ас, вай Муртаз волчу даха деза аьлла. Муртаз цIахь хир вац, сацийра хIокхара. Муртаз цIахь ца хилахь, Бикату хир ю цIахь, элира ас. Бикату ца
хилахь, церан бераш хир ду аьлла. Иштта кхуза даьхкира тхо, Муртаз. Харцахьа даьхкина а ца хиллера.

— Со къонах волушший, я хIара зуда — зуда хеташший-м ца дуьйцура ахь иза, — элира ас, — дIадуьйцу-кх иштта, тIараш а тоьхна, со хелхаваккха гIерташ, — аьлла. Элира, юьртахошна хала ца хетийта, шаьш зударийн а, берийн а меха ца ларарна.

Ткъа хIинца къанвели хьо, улеш а дIабевлла. Ши кIант а кхелхи. ДIадели хьоьгара дерриг а, хила а ца хилча санна. Нахах — нах хили хIинца. ХIаъ, цу межарган меха воцчух а къонах хили.

Кхаа хьеше тIекIел буьйса а яккхийтаза вара Iали. ХIинца сурам-куй а тиллина, гайх куьг а хьоькхуш, со-ас бохуш, къамелаш а деш лела, нахана тIехула а хьоьжуш. Хаза дIаган дегIан кеп а ю, тIеюьйхина хIума а ю, багара ондда къамелаш а оьху. Кхин хIун оьшу хIинца? ХIумма а.

Шен зуда, ца ешаш, яда гIерташ лелачу хенахь хьо волчу веара Iали. Шен ден цIа яхна йолуш, Iуспин Абраилца ирахь а Iийна еъна, хIинца ас хьо витале йита со бохуш, хьийза во-кх со цо аьлла, зуда санна вилхира хьуна Iали. Зуда ма йита, элира ахь, Абраилна тIера хеча яккха аьлла. Яккхалур яц шега, элира Iалис. ТIаккха хьо вахара цуьнца, аьшшимма дов цIа а деара. Зудчо кхин кураллаш а ца йира Iалина. ХIетахь хьоьца вара Iали а, Малак а, кхиберш а. ГIело хилларг а, дов нисдан дезарг а, ког шершинарг а хьо волчу вогIура. Хьо массарна а хьалхаваьлла лийлира. Юха шаьш массо а дIанисвелча, шайн таронаш а хилча, салам а курра, геннара кхуссура хьоьга. «Стенна хьалатеIа хьо, — бохура церан хьажаро, — хьо верг ву-кх со а, хIинца хьол лакхара а ву». Бохура, массара а бохура изза. Хьо царна ца везара, шаьш хьуна къинхетамца дезна дела, шаьш девза дела.
__________________
Весь мир стал для меня другим,
И стал счастливым каждый день и час,
С тех пор,как то,что было "Я" и "ТЫ",
В какой-то миг вдруг превратилось в "НАС".
Ismail вне форума   Ответить с цитированием
Старый 16.07.2008, 20:42   #26
Ismail
пилигрим
 
Аватар для Ismail
 
Регистрация: 20.06.2008
Сообщений: 511
Вес репутации: 20
Ismail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможно
По умолчанию

Цкъа, божал чуьра а баьккхина, дин бигира хьан. Дика дин бара, йоргIа а болуш, буора дин. Шо даьлча карийра хьуна хьайн дин, хIиришкахь. Дин-м цIа берзийра ахь. Чуьра дин бигарна, пхеа аьттан мах а баьккхира. Юха чуьрчол(2) динарг лехча, Iуспа хиллера. Маржа Iуспа яI, хьан мила вийнера те ас? Ма доккха хIума дина хиллера-кх ас хьуна! Хьо лаьцна волуш, хьуна йилхина бIарз а елла, хьан зудчо тергал а ца еш, тIехула мезий хьала а оьхуш, елла йолу хьан нана дIа-м йоьллира ас, цу сайн йоцчу таронца. Юха хьан зуда, йоI охьа а кхоьссина, шен ден цIа а яхна, синкъерамашка а оьхуш, нахе дог а дохуш, лела яьлча, сайца кхиэле лелаш волу Абубакар а эцна, хьан стундена дуй биира Къуръанах. Биира, хьох хиндерг хаъалц зуда маре йодахь, айса дуьтур цахилар хоуьйтуш.

Иза маре а ца яхара. Хьо цIа а веара. Ахь соьца мостагIалла лецира цул тIаьхьа, хьайн дай-ваший ас вийча санна. Хьан зудчух эвлаяъ хилира. Хьох къонах а хилира. Хилира, неIар тIе а веъна, соьца дов хьедалла, айхьа зудчух кхолла йолийначу цIарах бакъо ло аьлла.

Соьгара хIун бакъо езара хьуна, ва Iуспа? Хьайн нана дIайолларна бакъо езара хьуна соьгара? Я хьайн зуда, жеро ю ша бохуш, ярт-ярташка синкъерамашка а хуьйшуш, тIехьийзош нах а болуш, кIужалш а хьийзийна хелха шершарна бакъо езара хьуна соьгара! Я хьо иза юххе а яьккхина — лаьцначуьра цIа веъначул тIаьхьа, — говрийн базара лелаш: «Маржа, Нурседа яI, ма аьхна хуьлур-кх ахь букъ тIехула хьаькхна куьг», — Зубайран Висхас аларна езара хьуна соьгара бакъо! ХIун бакъо езара хьуна соьгара, ва Iуспа? Кеста вала, Iуспа, хьо, ас сайна хIун де баьхнера шуьга? Ас нахе шайна тIе пIелгаш ма хьежадайта баьхнера-кх шуьга. Вай дохкучу меттехь цадезачарна борз йоллу моттийтахьара баьхнера-кх ас шуьга. Баьхнера, хьенехагIар къонахий бу, комаьршо а, хьаша-да а церан ву, церан дош меттахь а ду алийтахьара вайна.

Со харц лийна хиллера шуьга массаьрга а. Хиллера, со бакъ ву а моьттуш.

Шу хIумма а шайн доцчу хенахь сан дара. Со шун воккхох вара хIетахь. ХIинца нехан хили шу. Хьалха со волчу догIура шун некъаш. ХIинца кхечухьа ду. Сискало дузийра шу. ЦIеххьана дузийра. Со а, шаьш а мел цадезарийн улеш а хилла, дIахIиттийра. Iуьйранна аьлча — Iуьйранна, сарахь аьлча — сарахь, дIааьллачу хенахь кийча дара шу, шайн хIумма а доцчу хенахь. Ткъа хIума хилча — цкъа а. Ас хIун динера шуна! Ас шуна массарна а сискал еллера-кх. Массеран а хьаша тIераваьккхина шуна, сайна, вайн тайпанна. Со цундела ца вийзира шуна, и сискал бахьна долуш. Шуна дезаш ца хиллера со волчу стаг вогIуш, соьга маршалла доуьйтуш, со хоттуш. Вайн хIун толам бара, вовшашца къийса?
__________________
Весь мир стал для меня другим,
И стал счастливым каждый день и час,
С тех пор,как то,что было "Я" и "ТЫ",
В какой-то миг вдруг превратилось в "НАС".
Ismail вне форума   Ответить с цитированием
Старый 16.07.2008, 20:43   #27
Ismail
пилигрим
 
Аватар для Ismail
 
Регистрация: 20.06.2008
Сообщений: 511
Вес репутации: 20
Ismail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможно
По умолчанию

ЭйтI, цIе йожа хьо белхан делаI, тIехъеа хьуна чайник а! Сан-м бехк, Къуръанор, бац, чуйола-кхи шен хеннахь… Iаждарбуц карор ярий те хIинца! ХIара буц ца хиллехь, со-м велла хир вара. Ванах, кхаллар ма дац кху чохь! ХIей, хIей-й, чуян кхетахьа цкъа, чуян! ОстопируллахI, хьо йочана, чан а, берзан а дог Iаббал оьху хьо догIа хIинца-м! Дера оьху-кх. Йочанаш йолуш, болх сецна шайн аьлла, яздина ца бохура Малакан доьзало кехат? Цу агIор а еций шийла! Малак…

Малака нахана юккъехь (ткъе диъ шо даьлча) шовзткъе итт туьма кхоьссира суна: «ХIахI, Муртаз, цу хенахь итт туьма бен бацара хьуна аьттан мах, хIара шовзткъе итт туьма ду хьуна!» — аьлла. Со шега вистхила воьлча: «Муртаз, сол дика къонах хила а ца гIерташ, хьайна тIеюха цхьа кетар эцахь! Иза тоьла хьуна, хьайн доцу де эгочул», — элира. Ас маца йинера Малакца яхь? Со маца гIиртинера Малакал тола? Ткъа Малакан мел велларг ас вийна хиллера. Со везаш ца хиллера Малакна, ас шена белла етт бахьна долуш.
Михаласке тезета дахна долуш, буьйса яккхийта вайга кхузахь, хIокху хьенехан вай доцурш кхин гергара нах а бац, ас аьлча:

«Нехан шайн цIахь бахамаш а, гIуллакхаш а ду, Муртаз. Хьо эцца котамашна цхьа буй хьаьжкIаш а тесна, шина уьстагIна дуьхьал зIар хIоттийчхьана ваьлла», — элира соьга Iалис.

Iали нийсса лоьра, сан бан а бацара бахамаш, я хила а ца хиллера цкъа а. Ас бахамаш ца бинера. Сан ахчанан банканаш яцара лаьттах йоьхкина. Ас доьзална а, лулахошна а буй ца къийлинера. Сан дерг — массеран а дара. Иза шуна а хаьара. Цунах дара шуна со ца везар а. Шун де дацара, Iали, хьешана уьстагI бен, болх-некъ а битина, цуьнан гIуллакхе хьажа. Со иза лело гIерта дела, аш соьца къайллах чIир лелийра. Со шун Iу ма вара, шуна хиънехь, шун белхало, мах бала а ца безаш.

«Муртаз, Муртаз бохуш, цунах цхьа Муртаз а вина! -аьллера Идриса. — Котаман кIорнеш дагардеш лелачу цунах», — аьлла. Идрис а бакълоьра. Ас дагар а динера котаман кIорнеш. Дагар а до хIинца а. Суна котамаш оьшура. Цара а ма воккху цкъацкъа хьешан бехках.

ВоI воцуш йолу хьан йиша, Макка, меттахь йисча, Идрис, хьан зудчо лела а ца еш, шен йоIа дIайигира, невцан хIусаме. Хьо а, я хьан кIентий а балхара цIа ца баьхкира иза кхелхича. Макка шен невцо дIайоьллира, бархI бер а кхобуш, колхозан бежехь воллучу. Хьайн стунана елча ма веара хьо цIа, кхуьй а кIант а валош. Ахь сту а бигира цига, загIанна. Йишел гергара яра те иза, ва Идрис! Йиша елча бийна хилла белара ахь сту. Стунана елча-м уьстагI а мегар бара хьуна, нахала ца вала.

Сох Муртаз олуш ма ца дезнера хьуна. Хьайх Идрис хIунда ца алийтира ахь? ХIа? Цунна вара со бехке? Э-э, Идрис яI, Идрис, дошдоцурш ду хьуна дерриш а!

Барзо Iуьнера уьстагI бехна хиллера. Iуьно ша вац кхеран да, ша йолах жа дажош ву аьллера. ГIой, жан дега хаттахь, суна уьстагI бала мегар ду я дац, хьо юхаваллац со жага хьожур ю хьуна, аьлла барзо. Вай, хьох жа муха тешадо ша, борз яц хьо, Iуьно аьлча: «Хьекъал доцчу нехан йоккхох хуьлда шех, хьо юьхьIаьржа хIоттон велахь», -аьлла бохура барзо.

Барзо бийцинчу нехан воккхох хилла хиллера-кх со. Хьанна хаьара! Мила тешара, бен етт белча, батта пах ца белла бохучух. ХIума шеца Iоттадала дезаш хиллера-кх довза. ХIаъ, хиллера.
__________________
Весь мир стал для меня другим,
И стал счастливым каждый день и час,
С тех пор,как то,что было "Я" и "ТЫ",
В какой-то миг вдруг превратилось в "НАС".
Ismail вне форума   Ответить с цитированием
Старый 16.07.2008, 20:44   #28
Ismail
пилигрим
 
Аватар для Ismail
 
Регистрация: 20.06.2008
Сообщений: 511
Вес репутации: 20
Ismail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможно
По умолчанию

И хьенех ву-кх хьуна вон болх бан гIерташ, шега аьлча: «ХIан-хIа, — аьлла бохура цхьана дикчу къонахчо, — ас цхьа а дика ца дина цунна, ахь дика динчо бен вон болх бан йиш яц хьуна», — аьлла.

Цу дешнех а мила тешара! Мила тешара, гергарчу наха хьан новкъа оьрнаш доху бохучух! «Хьан хьайн стагал цкъацкъа хийра накъост тоьла хьуна», — олура тхан дас. Суна чIогIа тамашийна хетара иза а. Бакълийна-м хиллера. Гина хиллера цунна. Со хIетахь Iа ганза Iахар ма бара, Iаьвла Iахар, сийначу баца тIе схьа а бина, ненан шура а юуш, лелаш. Iа тIедаза дара хIетахь. Суна хIинцца ги Iа. Дукха тIаьхьа, дан а дац моьттучу хенахь.

Шен чуьрчо юхкуш хилла-кх стеган чоь. Чоьхь-чоьхьара верг мостагI хилча хеда-кх тIемаш а. Арахьарчунна цагург ма го цунна. Цунна хаьа, хьо маца воьлху, маца воьлу, хьан гIийла меже муьлха ю. Юха цо иза арадоккху. Хьан цхьа а хIума къайла ца дуьсу тIаккха.

И хьенех я минех къонах ву ала а доьналла оьшуш зама хилла-кх хьо! Ма иштта ца моьттинера суна. Суна-м стаг адамашна ваца веза моьттинера. Шайна бол боцуш вацар дезаш ца хилла-кх нахана, нагахь шайга изза далург ца хилча, я цу хIуманна хьан дика мах хадош хилча кхечо. Айхьа лелориг хьуна хIун ду хууш хилча, дезаш ца хилла. Кхетам а боцуш хила везаш хилла, тIараш тоьх-тоьхначарна хелха а вуьйлуш. Дош ца хилла хьуна, дош, ас лелийнарг а. Массо а сайх кхетар воцийла-м хаьара суна. Хаьара, мел йоккхачу шахьарехь а шиъ я кхоъ бен ца хуьлийла вон-дикий девзаш волу стаг. Массаьрца а яхь хила ца оьшийла а хаьара. И шиъ я кхоъ мукъа а сайх кхетар ву-кх, моьттинера.

Яхь лело, ойланца тIетовжа, Iалашонна хIотто стаг воцуш хуьлуш хилла-кх ярташ я дийнна къам, тIаьхьенах наьрт а ца волуш.

ХIун дер цунна! Хьуо Дала ма кхоллара лела веза-кх кху дуьненчухула. ХIораннан а шен-шен ма ду сибат. Хьайна делларг лелон деза-кх. Мел лиъча а, охьа ца кхоссало иза-м. Нах беха, гIутакхаш санна, бахамаш а бина, соьмана тIе кепек а юьллуш, шен доьзална тоъал бен пхьор а ца кечдеш.

Иза а диссал охьа а ца хIоттош стоьла тIе, тIадам тIадамца буьстиний бен. Ткъа со, массарах а дай-ваший вина, массарна а велавелла, галин бертиг дIа а ца йоьхкуш цкъа а! Цундела тахана Iуьллу-кх, наха тIехъеттачу, тишъеллачу кетарх а хьаьрчина, гIан карахь а долуш, набарх ваьлча санна. Кхечу дена вина хилла велара со, шен сискал шена юучу дена. ТIаккха атта хир дар-кх суна а ваха, вон хилча стагга а бан тамаша а боцуш. Дан хIума дац-кх, хьенехан минехан кIант олуш хилча. ТIаккха оцу цIерийн меха хила гIерта хьо, кхин цхьа ойла а ца еш. Хьуна шех Iалашо йина вахнарг хьан да вара, цунна шен да санна. Иза чIогIа кхийринера шен цIе наха гIайгIанца яхарна. Хьо цундела тийсавелира иштта, чекхвала гIерташ.

Хьалха наха, и хьенех эла ву аьлча, ца кхетара хьо. ХIинца-м кхийти. Церан бахаме хьожжий олуш ца хиллакх вайнаха цхьаболчарах элий, вукхарах леш. Эла ву-кх, дош иэдеш а воцуш, тешам а болуш, комаьршой, гIиллакх, доьналлий шен дегIаца долу къонах. Шайн орамаш цIена а долуш, къонахий а кхуьуш схьабаьхкинчу доьзалх олуш хилла-кх элий. Ткъа леш? Лай ву-кх къонах мел воцург.
__________________
Весь мир стал для меня другим,
И стал счастливым каждый день и час,
С тех пор,как то,что было "Я" и "ТЫ",
В какой-то миг вдруг превратилось в "НАС".
Ismail вне форума   Ответить с цитированием
Старый 16.07.2008, 20:45   #29
Ismail
пилигрим
 
Аватар для Ismail
 
Регистрация: 20.06.2008
Сообщений: 511
Вес репутации: 20
Ismail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможно
По умолчанию

Маржа яI, цу къонахашца велла хилла велара со хьалха, я хIинца ваха къона велара!

Шен-шен тептар ду-кх хIора а стеган наха хIоттийна, шен-шен киртиг, лахарчунна тIера хьала лакхарчунна тIекхаччалц. Ши паспорт хуьлуш хилла-кх стеган, Iедалой, нахий делла. Iедало делларг-м эцца дIа киснахь Iуьллура, иза-м хIост дара стагана дина, цхьаъ вукхунах къасто. Наха делла паспорт хилла-кх деза, лела ца даллал деза. Хьан-хьанна а луш доцу дела хир ду-кх иза иштта хала, хьо гор-бертал а ветташ, хIетте а юха гIатта а веш хьо. Довзаза делар-кх и паспорт а, адамашна динчух кхин хама хуьлуш ца хилча.

«Да эла хилча, цIийнах лай хуьлу хьуна, — бехира хьоьга хьан дас, — шех лай а хилла, цIийнах эла хилийта веза». Хьо гIерта а гIиртира цIийнах эла ван, цу чохь даа а, мала а, вогIу-воьду хьаша а ца эшийта.

«Айхьа нахана дина дика дицделахь. Карийна кIеза санна хилалахь нахаца. Хьенехан воI ву аьлла, лакхавоккхур ву хьо, тIаккха хьайн мотт ларбелахь, хьо лоьруьйтург хьайн дай буй а хууш. Хьайн кIантана йиталахь иштта меттиг. Къонах, цхьаболчарна ваъал дукха а везаш, вукхарна вел гома а волуш хуьлу хьуна», — масане, масане дийцира хьоьга дас. Иза дара ахь схьалаьцнарг. Ткъа хIинца шеко хьерча хьан кхетамах, бакъ хиллий те ахь дIакхехьна некъ, я зудчунна ма хетта майра а, я доьзална ма луъу да а воцуш, наха хIун аьр те бохуш, дерриг терзан тIе а диллина леларна.

Хьо чекхвала мел гIирти а тIекхуьйсу хьуна хIумнаш, хьоьгара узар хазийта, хьо къарван, хьоьгара мохь балийта цкъа.

Ахь кога а вахийтина, ахь стаг а вина дIахIоттийнарг санна дуьхьал волуш-м цхьа а ца хиллера. Дуьненан хIума лаха къан а велла, улеш дIа а бевлла, хьо цхьаъ висча везаш хилла-кх хьо хьуо мел ца везначарна а. Дера хилла, гIелвелча везаш хилла, гIелвелча.

Уьш хIун гIовгIанаш ю, ванах! Цхьаъ-м ву хьуна цигахь! НеI ма етта цо.
— Чу вола, хIей! Чу вола, нах беха хьуна кху чохь, нах.

ЭхI, хьо, букъ, Iиллича хьала а ца гIаттало…
— Ассаламу Iалайкум, къена борз! Хьо ма йоьжна, дуй!
— ВаIалайкум сала-а-м, Довт, хьо вац хIара! Деллахь вацара хьо чувита везаш, хьан юьхь-сибат дицлуш доллура-
кх суна, тахана хьо гучу ца ваьллехь! Охьахаал кхузза, охьахаал цкъа. ЭхI, дела ва-кх хьо марша, хьайн хеннахь
ван а хаьий хьуна-м!
— Собар дехьа цкъа, и йоккха стаг ийгIина-м ца яхна хьан, дуй! И Маьлха-Аьзни ма ца го суна.
— ДIавала, цо хIун дуьйцу! Ца яхна, Къуръанор-кх, я гIур йолуш а ма яц, кхин бIе шарахь тхойша дахахь а. Шена меггарг суна мегчхьана IаддаIа иза-м, цхьа совнаха дерш а ца хьедеш.
— ХIай-хIай, цуьрриг Iовдал йоцуш юй, дуй, вахь-хьахь-хьа. Дагаоьхий хьуна и хьайн забарш. Вайн цIера и йоккха стаг хIинца а ца кхета-кх ахь аьллачу цу дешнех. Ша Iовдал яц бохург ду иза бохуш, Iаш ю-кх, дуй.
__________________
Весь мир стал для меня другим,
И стал счастливым каждый день и час,
С тех пор,как то,что было "Я" и "ТЫ",
В какой-то миг вдруг превратилось в "НАС".
Ismail вне форума   Ответить с цитированием
Старый 16.07.2008, 20:47   #30
Ismail
пилигрим
 
Аватар для Ismail
 
Регистрация: 20.06.2008
Сообщений: 511
Вес репутации: 20
Ismail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможноIsmail невозможное возможно
По умолчанию

— Цкъа охьахаал, Довт, охьахаал кхуза. Кхуза хаалахь, истанга тIе. ХIаъ, иштта, хIай-хIай!
— ДIаваьллахь. Охьахуучохь вац хьуна со. Тахана тIаьххьара хии суна вай ламарой кхоччуш Iовдал дуйла. Цу автобус чу нисвеллехь, хьуна а хуур дара…
— Дийцахь ткъа, Довт, дийцахь!
— Цу автобус чу нисвелла со тахана, кхуза вогIуш, цхьана стага аьлларг хазделла, воьлуш веа-кх хьуна со. Дош чIогIа говза олуш хилла-кх цу охьарчу наха, Муртаз. ЛадогIалахь.

Дуккха а нах бу автобус чохь хевшина Iаш, кхин а схьаоьхуш а бу нах. Билет а карахь хьала тIеяьлла цхьа зуда, оцу массо а гIанте хьожуш чекх ма ели хьуна. ТIаьххьар а цхьана воккхачу стагана уллохь саца а сецна, хьо хьайн меттехь Iаш вуй, воккха стаг, билет дуй хьоьгахь, эли-кх цо.

Воккхачу стагехь билет ца хиллера. Меллаша схьа сехьа а ваьлла, и зуда охьа а хаийтина, юха дIа тIевирзинчу воккхачу стага эли: «Делан неIалт хила-кх, зуда, хьо кхобуш Iаш волчунна, хьуна-м сан ала хIума а дац», — аьлла. ТIаккха оцу тIехьарчу гIанташкара схьакхайкхинчу цхьамма: «Делан неIалт хила-кх, къонах, хьуна, хIокху ткъе исс шарахь оцу зудчунна садетташ со схьавеъча, цхьана сохьтехь сатоха ницкъ ца кхаьчначу», -ала дезий хьуна. И ерриг а автобус, «гIо-гI-гI-гI» аьлла, елаели. И воккха стаг ша вийли чIогIа, юх-юха а воьлуш.

ТIаккха ойла йи ас, валлахI, вайн цхьаьннан зудчуьнга иза аьлла хиллехь, циггахь вала гIерташ воллур вар-кх хьуна вайх волу стаг аьлла, шен дан хIумма а доццушехь…

«ЭхI, ма дика ду-кх хьо веъна, Далла хастам бу-кх, ваха а, ван а стаг волуш. Ас йина ойланаш, хьажа хьо! Хьекъал дIадоьдуш а, схьадогIуш а хилла-кх. Хезехь стаг ца хилла ду-кх дика. Гой хьуна, веъна Довт, хаза со дага а веъна, новкъа а ваьлла, шортта схьакхаьчна… Цхьана кIирнах дIам гIур вац хьуна хьо, ахь хIуъу дийцахь а, дера гIур вац-кх, ша со эша а вина ца водахь-м».

Муртаз Довтан юьхь тIе а, бIаьргашка а хьоьжуш, воккха а веш, вела а воьлуш, юх-юха а: «ЭхI, марша ва-кх хьо», — олуш, лохачу гIанта, пеша хьалха охьа а хиъна, цIе а тоеш, Довтан къамелашка ладогIа кечвелира.

I98I ш.
__________________
Весь мир стал для меня другим,
И стал счастливым каждый день и час,
С тех пор,как то,что было "Я" и "ТЫ",
В какой-то миг вдруг превратилось в "НАС".
Ismail вне форума   Ответить с цитированием
Ответ

Опции темы
Опции просмотра

Ваши права в разделе
Вы не можете создавать новые темы
Вы не можете отвечать в темах
Вы не можете прикреплять вложения
Вы не можете редактировать свои сообщения

BB коды Вкл.
Смайлы Вкл.
[IMG] код Вкл.
HTML код Выкл.

Быстрый переход

Похожие темы
Тема Автор Раздел Ответов Последнее сообщение
Каким видом спорта Вы занимаетесь? Кубинец Разное 54 25.02.2017 01:48


Часовой пояс GMT +4, время: 03:17.


Powered by vBulletin® Version 3.8.2
Copyright ©2000 - 2018, Jelsoft Enterprises Ltd. Перевод: zCarot