[CheViking]

Сообщение от Marty

цуьна фамили гича цец йаьллера со а)

Кур Бено ву) а если дословно с фр перевести то коротко благословенный получается))

[Aminat]

Нохчийн маттахь яцахь а, чу- м тоса аса, цунна лерина тема ца хиларна.

Зелимха Яндарбиев.

«...А в Москве издали
Антологию чеченской поэзии,
В которой представлены все:
И поэты, и не…
Существующие и несуществующие,
И начинающие, и заканчивающие,
И те, кто давно уже закончили…
И даже те, Кто ещё не поэты…
Но меня там нет
И кого-то ещё…
Сказали,
Что нас просто не смогли туда вместить,
Никак,
Хотя и старались
И так, и этак…
Пояснили, что, всё-таки,
Есть вещи,
Которые не втискиваются в обычные рамки,
Тем более, в такие времена,
Когда война...
Видимо, хотели сказать другое совсем,
Но сказали, что есть.
Слава Богу, что Он есть,
Что не все, кому угодно,
И не всегда
Могут вписать или втиснуть твою душу в любую бумажку,
Даже если её назвали Антологией поэзии
Чеченской,
И даже мировой».

[CheViking]

Орцанна жоп доцуш дисинчу маьхьарех эхь хетар дара суна,

Бекхамна ка йоьхна, вашас лайначу гIелонах эхь хетар дара суна,

Аганахь хинболу турпала къонахий техкийначу наноша
йиначу семачу набарах эхь хетар дара суна,

Кошаза вайначу кIанте ладоьгIучу ненан сатийсамах эхь хетар дара суна,

ВорхI вешин йишин тIамо дохийначу дозаллах эхь хетар дара суна,

Тхайна кху дуьненчохь корта айббина дIалела бакъо йоккхуш эгначу вежаршна доьгIначу хIолламех эхь хетар дара суна,

ТIулгийн маттахь бен
ясталур йоцчу хьан лазаман къайленах эхь хетар дара суна,
Нохчийчоь,

Хьан доь дайъа гIиртинчу мостагIчунна къинтIера а ваьлла,
хьох кхидIа воккхавеван а,
хьан латта тIехь коше догдаха а,
хьан ломахь карочу синтемах ирсъэца а,
суо хьан цIеначу хIух ву баха а...

Нохчийчохь вахарал деза ду суна -
Нохчийчоь сайна чохь яхар.

© Исмаил Хабаев

[CheViking]

Юсупов Iилман
* * *
ЗIе етта ахь соьга, экаме синош а дохуш,
Геннара сан лере кхачаеш хьайн озан тов.
Iаткъаме дехарш до соьга хьуо йиц ма е бохуш,
Iийжаеш йирзина яланза къастаран чов.
Амма хьо ца теша ас хьайга хьуо еза аьлча,
Сайн деган куьзга ду ас аьлча хьайн дегIан куц.
Со вуха вогIур ву, хьан цхьалла мох хьекхна яьлча,
Эсаран бос эцна ялале хьан месийн буц.

Ас хьуна юха а канашкахь яхьар ю бIаьсте,
Сайн деган дургална тIедоьхуш хьан денойн вай…
Кхоьлинчу ойланийн бIостане уьйриг а бастий,
Кхин цкъа а лахахьа цу юккъехь цхьа сирла тай….

[Aminat]

Цхьа ц1еххьана, х1ара дага еанера- кх суна, сайна хазахетачерах- цхьаъ.
И, первым читателем его, судя по всему, был наш отец. Пожелтевший листок с машинописным текстом этого стихотворения и с письмом от автора, хранится в бумагах отца...

Сулейманов Ахьмад
Турпал наж.

Борз ю угIуш дера-дера.
Дарцо тIаьхьара лоькху йиш.
ДIай-схьай лестош, дитташ тIера
Цо, каетташ, доху гIаш.

Стигла ятIош ели гIовгIа:
Туьйхи буьрса сирла ткъес.
Инзарбаьлла, саьрмак богIу
Моьтту, лестош алун кхес.

Дарцо даржий мархийн верта,
Бутт а къайлабаьккхи цо.
Лаьттан букъ дIашарбан гIерта,
Багош, бохош берриг го.

Къона синтарш мохна хьалха,
Шарлуш лаьттахь, дийши дIа.
Ткъа турпал наж бодац шалха,
Буьрса дарц цо доьху схьа.

Стигла лестарх, и ца кхоьру:
Лаьттах чIогIа ийна бу.
Кхин цхьа а ницкъ цо ца лоьру,
Дахаран ницкъ боккха бу!

Алсамъюьйлуш оьгIазалла,
Дарцо хьоькху шийла мотт.
Стелахаьштиг дIогахь, хьуьллахь
Кхерста, етташ цIеран йорт.

Турпал наж ткъа ирахь гора,
Шена гонах хьийзаш дарц,
ХIотто дагахь шена гуора.
Амма иза-м хир ду харц!

Синтарш лардеш, стелахаьштиг
Уьйзура цо шена тIе...
Метта кхетта, отуш бIаьштиг,
Ножах латий сийна цIе.

Даьгна, кхарзаделла лаьтта,
Стигла кхевдда цхьaлхха га.
Къона синтарш-м дисна лаьттахь,
Кийчча хеца маргIал гIа.

Комаьршонца Iалам хьоьстуш,
Малхо зIаьнарш хийци схьа.
Турпал ножан хьуьнар хестош,
ГIийла екаш оттокх Iа.

Гонхьарчарна маршо яккха
Хьуьнар долчо хало лов.
Дахар иштта дебац тIаккха?
Хиллий толам, йоцуш чов?

[BarbaroSSA]

Субхьаналлах1))

[Aminat]

Ладно, кхин цхьаъ, из категории выше...
(Djo, ладно муха ду техь вай маттахь ?))

Сулейманов Ахьмад
Шовда

Ламанан некъахь
Схьадеттара шовда,
Хьогучу адаме
Шех байта къурд.
Эххар чухаьрцира,
И юккъе Iовдуш,
Го бина и лакъош,
Мокхазан берд....

Хетара: шовданехь
Хир а дац гIора
Харцабан, эшабан
Цу бердан ницкъ.
Бердан юкъ хадийна,
Ца хуттуш гора,
Баьккхира шовдано
ТулгIешна некъ.

Олхазарш, дийнаташ
Ца туьгуш Iаба,
Муьлуш го юха а
Шовданан хи.
Шийлачу шовданах
Юзуьйтуш кхаба,
Ламанан йоI а го...
Лекъар дац кхин!

[CheViking]

Сообщение от Aminat

Ладно, кхин цхьаъ, из категории выше...
(Djo, ладно муха ду техь вай маттахь ?))

Мегар ду хила деза, со хьера ца ваьллехь

[Aminat]

Гацаев СаьIид

Ненера кехат

Сан ма чIогIа сагатделла хьуна.
ХIун деш ву хьо? Муха веха, Iа?
Велавелла хьо дIавахчахьана,
Летта догу кийрахь шийла Iа…

Арахь бIаьсте ша кIежтуьйсуш лаьтта,
Заза даьржа сенчу бацала.
Хьо цIахь волуш дара суна атта,
Цхьа а тайпа гIайгIа яцара.

УьйтIахь Iежаш,
Хьоьга хьуьйсуш санна,
Наггахь таьIна гIийла хетало.
Шайца мерза Iийнарг веза царна,
Мохехь лестий, сарахь тохало.

ХIинццалц эццахь
Хьо Iавалар тамаш,
ЧIогIа тамаш хета массарна.
Дуьне дезна,
Букъ а тоьхна меллаш,
Халахета шаьш дIатасарна.

Хьан накъостий,
Мехкарий а хаза,
Эхь-бехк лоьцуш, хетта буьйлало:
«ЦIа вогIий те? Дукха хан ю ганза…»
Юьхьца цIийлуш, эсал бийлало.

ХIун жоп лур ас?
ХIун аьр тIаккха цаьрга?
БIаьсте ша а, хьоьга сатесна,
Йоьлу, ека шен йовхонан цIергахь,
Йоьлу, ека, эсал лестина.

ЦIа волахьа, сан са тедан алий,
ХIоккхул хазчу сенчу бацала.
ГIашца хьийзаш, можа гуьйре яле.
Гена некъаш оьшуш дацара.

[Райя]

Геннарчу геналлехь
Ирсечу бераллехь
Бисна сатийсамаш
Хийла сатийсинарш…

Туьнталгах кlур сийсаш
Яй кхаьхкаш кlеж туьйссуш
Пешахь цlе йогура
Дог ирсах догура...