Grommus
 

Вернуться   Grommus > Чеченская Республика > Чеченцы > Фольклор

Ответ
 
Опции темы Опции просмотра
Старый 10.09.2008, 05:15   #1
Enigma
"Вечный мираж"
 
Аватар для Enigma
 
Регистрация: 04.07.2008
Сообщений: 195
Вес репутации: 29
Enigma невозможное возможноEnigma невозможное возможноEnigma невозможное возможноEnigma невозможное возможноEnigma невозможное возможноEnigma невозможное возможноEnigma невозможное возможноEnigma невозможное возможноEnigma невозможное возможноEnigma невозможное возможноEnigma невозможное возможно
По умолчанию Нохчийн кицанаш

Дитт дохон лиъначо орам хадийна, пачхьалкх йохон лиъначо паччахь вийна.

Аьхкенан цхьана дийно 1аьнан кхо бутт кхобу.

Аьхка 1иллинарг 1ай идда.

Ж1аьло чу муц1ар 1оттарах, х1орд ца бехбелла.

Палс маббу хеца ког.

Сий дайна вехачул сийлахь валар тоьлу.

Лекхачу попана хьоькху мох ца эшна, дикачу адамна олу дош ца эшна.

Уггар хазачу йо1ана а, - цуьна-м ворта еха яра, - аьлла.

Ц1е яйа ц1ена хи ца оьшу.

Сихалло - са даьккхина, собаро - лам баьккхина.

Дукха лер - дети делахь а, ца лер - деши ду.

Туьр -тоьпан чов йоьрзуш ю, меттан чов йоьрзуш яц.

Шен хеннахь йина т1ийриг муьшан меха ю.
__________________
Друг моего врага мне не друг. Клон яц сан. Ламаз диний ахь?
Enigma вне форума   Ответить с цитированием
Старый 25.09.2008, 23:29   #2
Enigma
"Вечный мираж"
 
Аватар для Enigma
 
Регистрация: 04.07.2008
Сообщений: 195
Вес репутации: 29
Enigma невозможное возможноEnigma невозможное возможноEnigma невозможное возможноEnigma невозможное возможноEnigma невозможное возможноEnigma невозможное возможноEnigma невозможное возможноEnigma невозможное возможноEnigma невозможное возможноEnigma невозможное возможноEnigma невозможное возможно
По умолчанию

Т1аьхьависинчуьн дакъа цицигаша диъна)
__________________
Друг моего врага мне не друг. Клон яц сан. Ламаз диний ахь?
Enigma вне форума   Ответить с цитированием
Старый 30.01.2010, 23:01   #3
Elif
***
 
Аватар для Elif
 
Регистрация: 16.12.2008
Адрес: Дахаран некъахь
Сообщений: 628
Вес репутации: 427
Elif невозможное возможноElif невозможное возможноElif невозможное возможноElif невозможное возможноElif невозможное возможноElif невозможное возможноElif невозможное возможноElif невозможное возможноElif невозможное возможноElif невозможное возможноElif невозможное возможно
По умолчанию КИЦАНАШ

ХАЛКЪАНА 1ЕР-ДАХАРЕХЬ ЗЕДЕЛЛАРГ

1. БИИ КУОГ боллушиехьа говр а йолу гал.

2. Бух боцу шелиг хих дузур дац.

3. Б1аьргана гинарг тешаме ду, лергана хезначул.

4. Валарах кхоьруш воцург лийр вац.

5. Вираца лаьттина эса вирах 1аьхна.

6. Воьдуш динарг хьесап дац, вог1уш динарг бен.

7. Денна ца яхьа хе чалх.

8. Д1аг1оьртинчу стеран белкорта** йоьйна, юхаг1оьртинчу стеран ма1а йойна.

9. Кепах тера йолу кибарчиг.

10. Керлачу норо нехаш ц1ена йоху.

11. Куьпчичо т1ам шена луъучу буллу.

12. Кхийринчу(н) нана йилхина яц.

13. Къеначу барзо ши уьстаг1 баьхьна.

14. К1елахь г1ура йоцуш, 1ам т1ехь ша бийр бац.

15. Ла ца дуг1учунна дина хьехар хьакхина хьалха оьллина жовх1ар ду.

16. Малх хьаьж-хьаьжначу х1у таса - х1у тес-тесначу 1индаг1 х1уттур ду хьуна.

17. Маха лиелачухула тай а лиела.

18. Нехин диег1ах боллун пхуо*** хионах боллуш санна хиета.

19. Оза делахь а, жижиг тоьла.

20. Пхьеруо морзух лелабуо, куьг ца дагуон.

21. Саргах ца бина х1оз г1ожух хир бац.

22. Т1ам бойна леча ламанца тарлуш дац.

23. Хи долчохь бен хуьлуш дац дахар.

24. Хийистехь вехачунна хин гечо девза.

25. Хьера йиллале, к1арк1ар йиллина.

26. Цамгар, йог1уш, не1арх йог1у, йоьдуш, механ 1уьргах йоьду.

27. Цериг йоцуш буорз хир яц.

28. Цкъа кагъелла меже нийса ца х1оттаелла.

29. Ц1а дагахь а - ц1е тоьла, кха дагахь а - малх тоьла.

30. Ц1арца бегаш ма бе, хих а ма теша.

31. Ч1еруо лоху хи чохь к1оргу меттиг.

32. Шен хеннахь вижнарг кхаа вонах ваьлла, шен хеннахь г1аьттинарг кхаа диканах кхиъна.

33. 1уьйре ц1ийелча - кхоллар кечъе, суьйре ц1ийелча - кхаллар кечде.
____________________________
*Х1окхуьнан а, кхин д1айолчу шифрийн а маь1на далийна,
Билгалдаккхаран "Кицанаш" ц1е йолчу декъа т1ехь
**Динбухка.
***Пха.


ДАЙМОХК

1. Вина мохк мазал мерза бу.

2. Дикачу пхьидо шен 1ам хестабо.

3. Мехка доцчу иэро пхьагал ца лаьцна.

4. Нехан махкахь эла хуьлучул, шен эвлахь лай хилар тоьлу.

5. Ц1ийнах идда бежана берзан бага дахна.

6. Ц1ийнах идда бежана не1арца дайна.

7. Шен ненан сий лардечо - Даймехкан сий а лардийр ду.

8. Шен ц1а - ц1ен ц1а.


Г1ИЛЛАКХ, ОЬЗДАНГАЛЛА

1. Болх бечу кхаьчча, - болх бе, юучу кхаьчча - яа.

2. Воккхах волчунна хьо жимах вацахь, жимохчунна воккхах а хир вац хьо.

3. Воккхачо аьлларг дайна дац.

4. Воккхачо аьлларг динарг дохко ца ваьлла.

5. Воккхачо аьлларг цадинарг бердах вахна.

6. Г1иллакх дезаш волчунна и генахь дац аьлла.

7. Деца къамел ма де, нана юккъе лелае.

8. Дикачу г1иллакхо лех эла вина, вочу амало элах лай вина

9. Къиг т1ееъча, къиг а г1отту хьала.

10. Оьздачу стага шен ц1ахь а, хьошалг1ахь волуш санна юу х1ума.

11. Стеган мах ша хадийнарг бу.

12. Шена во диначунна дика динарг, шен мостаг1чуьнан ч1ир эцнарг ву.

13. Юххерчуьнга мала а ца олуш хи мелларг а, мала аьлча, и мелларг а - ший а ж1аьла ду.


ДЕШАР, ХЬЕКЪАЛ, КХЕТОШ-КХИОР

1. Дешар - серло, ца дешар - бода.

2. Йоза доцу стаг шура йоцучу аттах тера ву.

3. Коьртехь хьекъал ца хилча, когаша къахьоьгу.

4. Кхоччуш хьекъал долчуьнан къамел доца хир ду.

5. К1езахь 1еминарг, пхьарахь а ца дитина.

6. Майра ву алий, кура а ма вала, хьекъал долуш ву алий, сонта а ма вала.

7. Нахана юккъехь леларе терра бен хуьлуш дац хьекъал.

8. Стеган хазалла ца лоруш, дикалла а, хьекъал а лара.

9. Ткъа шарачохь ца хилла хьекъал цкъа а хир дац.

10. Хьекъал долуш верг мила ву? - аьлла. - Нахе х1ума хоттург ву аьлла.

11. Х1ума хаар - нахе ладог1ар.


ДОЬЗАЛ, ГЕРГАРЧУ НЕХАН ЮКЪАМЕТТИГАШ

1. Ваша ваша ву, эшначу меттехь хьалха х1уттуш велахь.

2. Ваша воцу йиша - 1индаг1.

3. Вежарийн безам - т1улгал а ч1ог1а бу.

4. Дений-нанний муьт1ахь боцу доьзал - гергара мостаг1.

5. Дика доьзал кхиънарг нахалахь корта лекха хир ву.

6. Доьзал дика - беркат дукха.

7. Лела ца хиъна нускал, олла баьхьна яй санна, духадеъна.

8. Марцхошца къийсина нус ц1ийнах яьлла.

9. Несана хьекхийна цергаш к1антана яхна.

10. Нуц валар - арахьара вон, нус ялар - чоьхьара вон.

11. Сунцхой а, ненахой а ца лоруш верг лай лерина.

12. Чохь ца хилла сий - арахь а хир дац.


НАНА

1. Дикачу ненан - дика йо1 хуьлу, хазачу ненан - коча йо1 хуьлу.

2. Нанас йина чов лаза ца лозу.

3 Ненан оьг1азло ло санна ю: дуккха а дог1а, амма сиха деша.

4. Ненан сий динарг махко а лерина.


ЙО1

1. Г1иллакхех бен хуур дац йо1 дика муьлхарг ю.

2. Махмаран духаро хазъеш яц йо1, мел хаза заза хиларх къаьсташ бу ба1.

3. Нанас хестийна йо1 мехала ца яьлла.

4. Хаза йо1 кхиъначу ден сий алсамдолу.

5. Хаза йо1 тиша коч йоьхча а, товш хуьлу.


ЗУДА

1. Бартана чехка зуда хьуьнарна сов хир аьлла.

2. Дика зуда - бахам, вон зуда - бохам.

3. Дика зуда ирс ду, вон зуда дов ду.

4. Дикачу зудчун майра т1ехь беркъа хир вац.

5. Зуда елхочо - бераш делхадо.

6. Зудчо боьллинчу сардамо - йицйо тоьпан чов.

7. К1антана зуда ялийна - ненан к1удална т1е к1удал кхетта.

8. Тхов т1ера чувоьжнарг - лазавой вуьсу, зудчун даг т1ера воьжнарг - т1епаза вов.


ДИН

1. Вуьзначу мута1еламах дала ларвойла.

2. Гуттар ца лаьтта моллина мовлад.

3. Массо а стагана там бина дела а вер вац.

4. Меца волчу моллина бисмилла ца хеза.

5. Моллас саг1а даьккхича, шайт1ано зурма лекхна.

6. Моллас, ша лелош дерг ма леладе, леладе бохург леладе аьлла.

7. Мурдана шайх веза, шайхана - шура еза.

8. Саьрамсекхан к1олла, хьаьжц1а баьхьча а, ца яйна.

9. Хила яздинчунна моллин дан х1ума дац.

10. Цхьа а стаг вац зингатан б1аьргаш, лаьхьан когаш, моллин саг1а гина.

11. Чоме хьовсий вай аьлла гай даьтт1ачу моллас.

12. Шена х1ума елча, жен-ж1аьла а кешнашка д1адолла магийна моллас.

13. Шена х1ума елча, моллас ж1аьлина а даьккхина жайна.

14. Шина саг1ийна т1аьхьаваьлла молла цхьа а доцуш висна.


СТЕШХАЛЛА, МАЙРАЛЛА

1. Аьтто боцчохь юхавалар - стешхалла яц.

2. Аьхка лаьхьа гинарг - 1ай карсах кхийрина.

3. Б1аьрг стешха - куьг майра.

4. Вуьзначул т1аьхьа 1ийнарг стешха лерина.

5. Г1аз т1аьхьа хьаьдча, Бекха а ца воьхна.

6. Котам а хилла вехачул, н1аьна а хилла, велча тоьла.

7. Кхеравелча хиндерг, кхера ца велча а хир ду.

8. Ла мел дийг1и, татанаш сов хеза.

9. Ойла а ца еш, дош ма ала, аьллачул т1аьхьа, хьайн дашна т1ера а ма вала.

10. Стаг тоьлла ву алий, хьайн бакъо ма йита.

11. Стешхачу ж1аьло т1ехьашха катуху.

12. Чохь майралла - арахь стешхалла.

13. Ша буьйш, дехко а юхку цергаш.

14. Шен кет1ахь н1аьна а хуьлу майра.


ДИКАЛЛА, ВОЛЛА

1. Бедда боьдучу сена а аьлла.

2. Б1аьргаш боцчунна нехан б1аьргара к1ай гина.

3. Дика вахар - нах дика бовзар.

4. Дика н1аьна - ялкхан т1ехь кхойкху, вон н1аьна - миччахьа а кхойкху.

5. Дикачу лулахочул дика х1ума а дац, вочул вон х1ума а дац.

6. Дикачу лулахочуьнан астаг1 йо1 маре яхна.

7. Доттаг1алла хадо лиъча, нуьйран х1оа бехна.

8. Къунна ша санна волу къу вевза.

9. Къуьно бен хестор вац къу-стаг.

10. Совг1атана беллачу динна бага ма хьежа.

11. Уггар хазчу стагана а цуьнан ворта еха яра аьлла.

12. Хьайга далург нахе де ма ала.


ДОВ, Т1ОМ

1. Дов даьлча, дов ца деш верг стаг а вац, цул т1аьхьа ца товш верг а стаг вац.

2. Дов - шар-худар дац.

3. Зулам лоьхург вонах ца ваьлла.

4. Т1амо стаг вина вац, т1амо саг вийна.


ДОГЦ1ЕНАЛЛА

1. Доггах билхинчу б1аьргех ц1ий даьлла.


ЯХЬ

1. Яхье даьлла эппаза туьмане кхаьчна.

2. Яхь йолчу дагахь - хьаг1 хир яц.


1ОВДАЛАЛЛА

1. Бацалла лаьллина вир баь1ашка дахна.

2. Хьо 1овдал вуйла хаийтина-кх ахь, - аьяла цхьаьнге. - Аса-м ца хаийтира, царна шайна хиир-кх, - жоп делла вукхо.

3. 1овдалниг хье мел вин а 1овдалволу.


ДОТТАГ1АЛЛА

1. Ваша ваша вац и хьан доттаг1а вацахь.

2. Генара доттаг1а - йоьг1на г1ала.

3. Генара хиларх, тешаме доттаг1, б1ов санна ч1ог1а ву.

4. Дикачу доттаг1чуьнца дуьненан йисте а кхача хала дац.

5. Дикачу к1антана доттаг1ий ца эшна.

6. Доттаг1а коьрте хьожу, мостаг1 когашка хьожу.

7. Доттаг1а шираниг тоьлу, керт - керланиг тоьлу.

8. Доттаг1чун хьаг1 хала ю, мостаг1чун ямартлонал.

9. Сакхт доцуш доттаг1 лаца хьо г1ертахь, и воцуш вуьсур ву хьо.

10. Эзир доттаг1а верг ваьлла, эзир сту-етт берг велла.


МАЛО

1. Беже ма т1аьхьа воьду хьо аьлча, д1а т1аьхьа водахь а, ц1а хьалхе вог1ур ву ша аьлла.

2. Ж1аьло 1аьн т1ехь ч1аг1о йо бах, б1аьсте ма-еллинехь шена бун йийр ю ша олий, ткъа б1аьста, юха а 1а т1екхаччалц ворданна к1ел дуьжий 1уьллу.

3. Малонах мазал ца хилла.

4. Халонах кхийринарг, диканах кхетта вац.

5. Х1уманна мало ечо юьхь а парг1ат юьлу.


ЭРНА ЛЕР

1. Багахь дина х1оаш кхерзина дац.

2. Боца муш а тоьлу десачу къамелал.

3. Дукха лер - дети делахь а, ца лер - деши ду.

4. Дукха лер - хьекъал ца тоар ду.

5. Дог 1ахар долчуо т1уо багахь боккху.

6. Ира мотт - совг1ат, беха мотт - та1зар.

7. К1езиг дечо дукха дуьйцу.

8. Малар а доьттина дийриг - эрна къамел ду, меллачул т1аьхьа дийриг - дехна къамел ду.

9. Хабарал худар тоьла.

10. Хабар дукха дийцинчо болх к1езиг бина.

11. Хьайга дог1ург аьлла 1ийча, пахана цкъа а к1ордор вац хьо.

12. Церг - деши ду, мотт - бала бу.

13. Яьсса х1ума ч1ог1а ека.


СОНТАЛЛА

1. Виро "вир" аьлча, вир аьхка дахана.

2. Къахеташ ца лург дозаллина ло.

3. Ма г1ерта бердан йисте, ва вир! Сан коча йог1ур ю хьо, - аьлла старо.

4. Нехан юьртана наь1алт бохург - шен юьртах ваьлларг ву.

5. Сихалла - сонталла, собар - кхетам.

6. Сонтачу стага шен хьал хилча, - ши сте ялайо, хьекъал долчо - ц1а лакхадоккху.

7. Сонтачу стеган хьекъал вист ца хилар ду.

8. Т1ех аркъал ситтинарг букъ бойна висна.


БАРТ

1. Барт болу ши стаг барт боцучу юьртал а тоьла.

2. Барт болчохь - беркат, барт боцчохь - зулам.

3. Барт болчу цицигаша барт боцу берзалой эшийна.

4. Барт боцучу доьзалехь беркат хир дац.

5. Барт ийг1ина доьзал - ка йоцу т1ом.


ХЬОШАЛЛА

1. Вуочу х1усамнанас, шина б1аьргана юккъе шад а бой, т1еоьцу хьаша, амма йоьлуш новкъа воккху.

2. Къени вахна - къа дисна, хьаша вахна - иэхь дисна.

3. Ма хатта мила ву, вуза а вай, д1авижаве.

4. Оьзда воцу стаг хьошалг1а веъча, - дика кхаба, оьздачунна - ерг елча а, кхачам хир бу.

5. Сакъерделча, - хьаша парг1атволу, сагатделча, - хьаша сихло.

6. Хан яьлча вог1у хьаша - ахь лорург ву, шен хеннахь вог1ург хьо лорург ву.

7. Хьаша веъча, д1а-схьа ма хьежа, шуьча хьажа.

8. Хьаша веъча х1усамден пхьор тоделла.

9. Хьаша ца везачу х1усамненан бераш доьлхуш хуьлу.

10. Хьаша ца везарг далла а ца веза.

11. Хьаша ца везнарг нахана а ца везна.

12. Хьаша ца вог1у ц1а кошах тера ду.

13. Хьаша ца вог1учу ц1а чу беркат ца дог1у.

14. Хьаша ца леринарг хьошалг1ахь а ца лерина.

15. Хьешана дуьхьал нуй хьекхар - хьаша ца эшаран билгало ю.

16. Хьешана шега д1акховдийна меттиг ларъян хаа деза.

17. Хьеший оьхучу новкъахь буц ер яц.

18. Хьо меца 1ай а, хьаша вузаве.


КЪИНХЬЕГАМ

1. Аьхка мало - 1ай хало.

2. Аьхкенан дийно 1аьнан бутт кхобу.

3. Болх бар цхьа къинхьегам, цабар - ши къинхьегам.

4. Дехарал - беже х1оттар сийлахь ду.

5. Д1адийнарг - т1едалаза дуьсур дан.

6. Ирхе ца яьккхича, пурхе ца кхаьчча.

7. Къа ца хьегча, хи чуьра ч1ара а ца баьккхина.

8. К1айчу куьгишна наха къахьегнарг диеза.

9. Массо а х1уманал мерзаниг - хьанал къинхьегам.

10. Нехан х1умане са ма тийса, хьайн куьйгашка къахьегийта.

11. Охуш эллериг - оруш карайна.

12. Стеран ма1а т1ехь 1ийначу мозано баьхна: гота аьхна бог1у ша.

13. Хала дара алий, х1уманна б1о а ма къажабе, атта дара алий, тассий а ма дита.

14. Хьалххе г1аьттинчу 1уьнан жий шала бехкина.

15. 1иллинчу т1улга к1ел хи ца кхаьчна.


ХЬАЛ

1. Ахчано стигала боьду некъ лехна.

2. Ахчано 1ай Башлам т1ехь паста караяйтина.

3. Безам буьйцу - безам болчо, бахам буьйцу - са къен долчо.

4. Безамо 1ехийнарг - дог-к1еда хуьлу, бахамо 1ехийнарг - дог-1аьржа хуьлу.

5. Дукха дерстина вир бердах дахана.

6. Карахь долчун хама барца кхуьу даьхни.

7. Къаьркъано вахийнарг - вастало, хьоло вахийнарг - ца вастало.

8. Т1ех юьзна вир хьерайолу, говр - хьокханна т1ейоьду, стаг - эккха.


СОБАР

1. Дин хецна битинарг - лома кхаьчна, лаьллина ваханарг - 1инчу кхаьчна.

2 Кхихкича, т1ех ей а бог1у.

3. Сатоьхначу салтичух эпсар хилла.

4. Сихалла а йохкий, собар эца.

5. Сихалла - сонтала, собар - кхетам

6. Сихалло - са даьккхина, собаро - лам баьккхина.

7. Собар - толаман меттимотт.

8. Стеган дикалла собарх хиъна, говран дикалла боларх хиъна.


ТЕШНАБЕХК, ХЬАРАМЛО, АЬШПАШ

1. Аьшпийн к1уьрехь б1аьргаш ца 1ийжабо.

2. Ворх1 шо даьлча а карабо аьшпаш шен баьрчехь.

3. Нахана хьекхийна цергаш шех яхна.

4. Нехан куй айхьа баьккхичи, хьайн куй чета болла.

5. Тахана харц дерг ахьа дийцахь, кхана хьох тешар бац.

6. Тешнабехк бинчух боьду.

7. Хьарам диъначуо къаьхьа 1еттина.

8. Цамоьттург хуьлу моттарг1анаш лелош волчунна.


ДОШ

1. Аьлча дохковер волу дош, ма ала.

2. Вон дош къорачунна а хеза.

3. Ворх1 во1 волчу ден пхьоьханахь дош лела.

4. Даггара аьлла дош дагах летта.

5. Дика дош саг1а лерина, вон дош къа лерина.

6. Къонаха ваханчара дош дахьа, къиг яханчара эхь дахьа.

7. Мел бехачу новкъа а, цкъа тоьхча, тоьа дикачу динна шед, мел йоккхачу майданахь а, цкъа аьлча, тоьа хьекъале дош.

8. Стеган дагара матто схьадуьйцу.

9. Тоьпо цхьаь бен ца вийна, матто эзар вийна.

10. "Хаац" - цхьа дош, "гира", "дайра" - эзар дош.

11. Хазчу дашо лам башийна.

12. Хазчу дашо лам дашо бина.

13. Хазчу дашо 1уьргара лаьхьа баьккхина.

14. Хьан дош - дош дацахь, дуй - дуй бац.

15. Хьалха хьажий бен ког а ма баккха, т1ехьа хьажий бен дош а ма ала.

16. Х1ор дешан а шен меттиг ю.

17. Шен метта ца аьлла дош хезна дац.

18. Шина балдех арадаллалц хьан лай ду дош, арадели - хьо цуьнан лай ву.


СУТАРАЛЛА

1. Бен сту белча, батта пах ца белла.

2. Дукха дезаро к1езиг дезийтина.

3. Латта кхача а дина, баларна кхийрина н1аьна.

4. Хи дехахь - меца вац, ца дехахь - марха ду аьлла сутарчу х1усамнанас.

5. Хиларо велийнарг - дацаро велхийна.

6. Шина саг1е хьаьдда молла цхьа а доцуш висна.


СТОГАЛЛА

1. Дагна там т1ех безнарг стогаллах воьхна.

2. Къелле ма хьажа, стеган стогалле хьажа.

3. Малар мала ахча лоьхучул - ца мала стогалла лаха.


ОСАЛАЛЛА

1. Букурвоьлла стаг кашуо нисвиер.

2. Вохвелча, воьлучо, шелвелча,-садуу.

3. Да левинчо - нана а юхку.

4. Дог-1аьржа стаг хуьлу питане, ца кхеташ верг - эладитане.

5. Къаьркъане марзвелларг баханах воьхна.

6. Лаьхьанна ца хаьа шен д1аьвшо х1ун до, зударшна - шайн маттодийриг хаьа.

7. Нехан воне ца хьийзинарг, шен вонехь ша висна.

8. Ца лозу корта ма бехка.


ДИН (ГОВР)

1. Алаша хастае, дина хаа.

2. Говран дикалла боларх хиъна, стеган дикалла собарх хиъна.

3. Дика дин а боьду цкъа гор.

4. Дика дин - боьршачу стеган т1ам.

5. Дикачу динна, цкъа тоьхча, шарахь тоьа шед.

6. Дин некъаца бевза, к1ант аренца вевза.

7. Сагатделлачу къонахчун дог дино хьаьстина.


1АЛАМ

1. Буьйса бодане мел хили, седарчий сирла хуьлу.

2. Б1аьстенан мохо к1урз бахьа, гуьйренан мохо к1ир бахьа.

3. Гурахь цхьана 1айг дог1анах варда хатт хуьлу, аьхка варда дог1анах 1айг хатт хуьлу.

4. Даима эхарх, хи кхачалур дац.

5. Коьртера дуьйна хьаьа хи.

6. Литтана т1е маккхал хиъча, гуьйре йоларан билгало ю.

7. Ло доцуш 1а а хир дац, йовхо йоцуш аьхке а хир яц.

8. Хи гуттара цхьана хорша ца лела.
__________________
Давайте говорить то, что думаем; думать то, что говорим;



Безамний, цабезамний юккъехь
цхьа г1улч бен яц олуш ду.
Амма сан безамний, цабезамний
юккъехь некъ банне а бац...©
Elif вне форума   Ответить с цитированием
Старый 30.01.2010, 23:11   #4
Соьлжхо
Унесенный косяком
 
Аватар для Соьлжхо
 
Регистрация: 26.01.2010
Адрес: Красный берег Мерси
Сообщений: 1,038
Вес репутации: 390
Соьлжхо невозможное возможноСоьлжхо невозможное возможноСоьлжхо невозможное возможноСоьлжхо невозможное возможноСоьлжхо невозможное возможноСоьлжхо невозможное возможноСоьлжхо невозможное возможноСоьлжхо невозможное возможноСоьлжхо невозможное возможноСоьлжхо невозможное возможноСоьлжхо невозможное возможно
По умолчанию

"Аьлча деша лай ву хьо,аланза деша да ву хьо!"
мой дедушка так всегда говорил,говорят очень древняя пословица)
__________________
"Родина" коварства не тая,им уделила жизнь и смерть в опале...
Соьлжхо вне форума   Ответить с цитированием
Старый 07.02.2010, 00:44   #5
Бонч-Бруевич
мираж
 
Регистрация: 29.01.2010
Адрес: А вы где?
Сообщений: 16
Вес репутации: 0
Бонч-Бруевич невозможное возможноБонч-Бруевич невозможное возможноБонч-Бруевич невозможное возможноБонч-Бруевич невозможное возможноБонч-Бруевич невозможное возможноБонч-Бруевич невозможное возможноБонч-Бруевич невозможное возможноБонч-Бруевич невозможное возможноБонч-Бруевич невозможное возможноБонч-Бруевич невозможное возможноБонч-Бруевич невозможное возможно
По умолчанию

" Цхан меттах ялла ц1е езар"
__________________
" Беда человека в том, что дураки слишком самоуверенны, а умные полны сомнений" (c) Бертран Рассел
Бонч-Бруевич вне форума   Ответить с цитированием
Старый 19.03.2010, 17:57   #6
Грозный
Рейхсканцлер
 
Регистрация: 24.01.2010
Адрес: Рейхстаг
Сообщений: 921
Вес репутации: 614
Грозный невозможное возможноГрозный невозможное возможноГрозный невозможное возможноГрозный невозможное возможноГрозный невозможное возможноГрозный невозможное возможноГрозный невозможное возможноГрозный невозможное возможноГрозный невозможное возможноГрозный невозможное возможноГрозный невозможное возможно
По умолчанию

Ше а боцчу динар хотталахь воссина!

Бе сту белчун батта пах ца белла!
Грозный вне форума   Ответить с цитированием
Старый 31.05.2010, 17:22   #7
Berkat
Pozhivem-Uvidim
 
Аватар для Berkat
 
Регистрация: 26.05.2010
Адрес: не важно
Сообщений: 208
Вес репутации: 278
Berkat невозможное возможноBerkat невозможное возможноBerkat невозможное возможноBerkat невозможное возможноBerkat невозможное возможноBerkat невозможное возможноBerkat невозможное возможноBerkat невозможное возможноBerkat невозможное возможноBerkat невозможное возможноBerkat невозможное возможно
По умолчанию

Бухбоцу шелиг хих дуьзна дац.

Бухахь г1ура йоцуш, 1ам т1ехь ша бийр бац.
__________________
Думай больше о совести, чем о репутации. (Сир Публий)
Berkat вне форума   Ответить с цитированием
Старый 14.09.2010, 23:40   #8
Чора
странник
 
Регистрация: 25.01.2010
Адрес: .
Сообщений: 371
Вес репутации: 89
Чора невозможное возможноЧора невозможное возможноЧора невозможное возможноЧора невозможное возможноЧора невозможное возможноЧора невозможное возможноЧора невозможное возможноЧора невозможное возможноЧора невозможное возможноЧора невозможное возможноЧора невозможное возможно
По умолчанию

къаьхьаллин чам ца бекхича мозан чам цакхета.
__________________
Для того кто мыслит - жизнь комедия
Для того кто чувствует - жизнь трагедия

когда мы вернемся...
Чора вне форума   Ответить с цитированием
Старый 07.02.2011, 20:27   #9
АмалиЯ
берий нана
 
Аватар для АмалиЯ
 
Регистрация: 22.04.2010
Адрес: Россия
Сообщений: 753
Вес репутации: 202
АмалиЯ невозможное возможноАмалиЯ невозможное возможноАмалиЯ невозможное возможноАмалиЯ невозможное возможноАмалиЯ невозможное возможноАмалиЯ невозможное возможноАмалиЯ невозможное возможноАмалиЯ невозможное возможноАмалиЯ невозможное возможноАмалиЯ невозможное возможноАмалиЯ невозможное возможно
По умолчанию

Корта ца хилча,когаш къа хоьга.
АмалиЯ вне форума   Ответить с цитированием
Старый 18.02.2011, 23:16   #10
Чора
странник
 
Регистрация: 25.01.2010
Адрес: .
Сообщений: 371
Вес репутации: 89
Чора невозможное возможноЧора невозможное возможноЧора невозможное возможноЧора невозможное возможноЧора невозможное возможноЧора невозможное возможноЧора невозможное возможноЧора невозможное возможноЧора невозможное возможноЧора невозможное возможноЧора невозможное возможно
По умолчанию

Хьойзан белахь а, некь тоьлаш бу.
__________________
Для того кто мыслит - жизнь комедия
Для того кто чувствует - жизнь трагедия

когда мы вернемся...
Чора вне форума   Ответить с цитированием
Ответ

Опции темы
Опции просмотра

Ваши права в разделе
Вы не можете создавать новые темы
Вы не можете отвечать в темах
Вы не можете прикреплять вложения
Вы не можете редактировать свои сообщения

BB коды Вкл.
Смайлы Вкл.
[IMG] код Вкл.
HTML код Выкл.

Быстрый переход

Похожие темы
Тема Автор Раздел Ответов Последнее сообщение
Нохчийн Эшарш Sleepy Народная 76 13.08.2018 17:14


Текущее время: 21:09. Часовой пояс GMT +4.


Powered by vBulletin® Version 3.8.11
Copyright ©2000 - 2018, vBulletin Solutions Inc. Перевод: zCarot