[Leon]

Сообщение от Сэр с ЧИАССР

Помню,как вахи внушали,что можно жениться на...кузинах.

Тоже было....

[Aminat]

Об институте ухаживания у нас. Так было еще в недавнем прошлом.
https://nohchalla.com/obychai-i-trad...ya-chechentsev

[Marty]

"ЗАХАЛО"- йа нохчийн доьзал кхолларан гӀиллакхаш

«Малх хьаьжначу дийнахь а, стогар латабай бен, ма де захало», — аьлла кица ду вайн халкъан. Ши бӀаьрг баьллий, хьекъалца, кхетамца харжа кIантана дало нускал а, шайн
йоl маре йала кӀант а бохург ду и.
Йа шаьш гергарло тосучу нехан орамаш довза — хаа уьш хӀун нах бу йа нах буй...
Вайн дайн заманахь хьаьнг-хьаьнга а маре йохуьйтуш ца хилла наха шайн йоӀ. КӀант хьал долчу йа мелла а таро
йолчу нехан хила веза бохург дац и. Нуц хила араваьлларг уггаре хьалха шен бийца орам а, диканца хьахо дай а болуш хила везна. Тlаккха — адамашна гайта шен йуьхь йолуш: собарца, бакъонца, нийса, тешаме, хьанал, дош цхьаъ долуш хиларца.
«Йуьгург стаг велахь, тӀулга тӀехь а кхоллалур ду къоначаьрга шайн ирс, — боху цунах лаьцна кицано, — йуьгург стаг вацахь, дуьне цуьнан долахь делахь а, бартаца, безамца ирсе дахар кхиъна, хайра долуш охьа а ховшур бац уьш».
Шен бийца орам а болуш, схьайаьллачу цӀийнан сийлалла а йевзаш хилла кӀанта йало къастайо йоl. Дикачу къонахчунна санна, чохь, арахь, шайн йуьртахь, кӀоштахь адамашлахь ларамца йаккха цӀе эшна йо1ана а. «Орам ледара болчу синтаран гон тlе баьлла стом а хуьлу ледара», — олура захало хьахаделлачохь махкахь а шен йаккха цlе хиллачу Ӏеламстага
Мадин Махьмуда.
Иштта, и орамаш ледара долчу йа диканца йаккха цlе йоцчу дех-ненах схьабаьлла доьзал а хиндерг доцуш хилар зеделла халкъана.

Цундела деза а, доккхачу жоьпаллин а гӀуллакх лаьрра шаьш йукъадоккху захало. Йа сих ца луш, кӀентан, йоьlан
доьналла, гӀиллакх-оьздангалла, сий-ларам, цlенна пайденна хилар девзина ца lаш, хиндолчу марден, марненан амалш а толлуш хилла. Аьлча а, ларбелла шайна ледара тlаьхье лун йолу доьзалш кхоллабаларх.

Уциев Абу