[CheViking]

Маликин мазхӀабера баккхийчу Ӏеламнахах цхьаъ волчу, шех «Жима Малик» олуш хиллачу, Абу Мухьаммад ибн Абу Зейда аьлла: «Дика гӀиллакхан агӀонаш цхьаьнакхетар нисло диъ хьадисо бохург кхочуш дарехь :

1. Пайхамаран ﷺ дешнаш: «Стеган дикачу Исламан билгалонех ду - шех хьакхалуш доцург дӀатасар.» (ат-Тирмизи, ибн МажахӀ).

2. Пайхамаран ﷺ дешнаш: «ОьгӀаз ма эха» (ал-Бухари, ат-Тирмизий, и.дӀ.кх.а).

3. Пайхамаран ﷺ дешнаш: «АллахӀах а, къематан дийнах а тешаш волучо дика къамел дойла, йа вист ма хуьлийла» (ал-Бухари, Муслим, и.дӀ.кх.а).

4. Пайхамаран ﷺ дешнаш: «Шух цхьа а тешар вац, шена лууш дерг шен вешина а лиъча бен» (ал-Бухари).

[CheViking]

Цхьацца бахьанех тасавала везачу хьоле кхечнера со.
И бохург дара, цхьана зуламхочунна тӀе а вахна, сан и хесто веза.
Оцу дерригенан а ойла йеш Ӏашшехь, дешархо тӀе а веана, Къуръан деша хӀоьттира.
ТӀаккха цо суна цхьа айат дийшира, цуьнгахь суна сайна дика билгало а карийра:

Зуламхойн агlор ма тийжа – шайх цlе цахьакхайалийтархьама. Доладийраш а, гlоьнчий а бац шуна, Аллахl воцург. Цул тlаьхьа цхьамма гlо а дийр дац шуна. (11:113).

Ойланашна деллачу жоьпах цецваьлла, сайга элира ас:
«ЛадогӀа, хестамашца, хьайн гӀо дайта лаьара хьуна, амма Къуръано гайтира хьуна, нагахь санна хьо зуламхочунна тӀетевжахь, цунна тӀе а тевжина а лехна долу гӀо хьуна хир доций».

Декъала бу бахьанаш Кхоьллинарг вевзаш берш, Цуьнца уьйра теснарш. Иза уггаре а лакхара Ӏалашо йу. АллахӀе доьху оха тхуна и далар».

Ибн Аль Джаузи "Сайд аль хатыр"